Back Golf van Alaska Afrikaans خليج ألاسكا Arabic Golfu d'Alaska AST Alyaska körfəzi Azerbaijani Аляска ҡултығы Bashkir Аляска (заліў) Byelorussian Аляски залив Bulgarian আলাস্কা উপসাগর Bengali/Bangla Aljaski zaliv BS Golf d'Alaska Catalan
Pleg-mor Alaska zo ur pleg-mor e norzh ar Meurvor Habask, dirak aod kreisteiz Alaska. Emañ etre Gourenez Alaska hag an Inizi Kodiak er gornaoueg hag an Enezeg Alexander er reter.
A-hed an aod e kaver koadoù bras, menezioù ha skornegoù. Skornegoù brasañ Alaska, evel Skorneg Malaspina ha Skorneg Bering, en em daol er mor war an aod-se. E goueled Pleg-mor Alaska e kaver div vrec'h-vor vras, Cook Inlet ha Prince William Sound, ha re all c'hoazh, bihanoc'h.
Bevennet eo Pleg-mor Alaska er su, hervez an douaroniourien, gant ul linenn a dap eus penn kreisteiz Enez Kodiak er gornaoueg betek ar strizh-mor anvet Dixon Entrance er reter[1].